April 24, 2024

Çun Lajçi kritikon Ramushin për Kurtin: Sa ishe kryeministër keq u dëshmove, ja pse nuk flasin mes vete!

Shkrimtari dhe aktori Çun Lajçi ka kritikuar kreun e AAK-së, Ramush Haradinajn, i cili po kërkon rrëzimin e Albin Kurtit.
Lajçi përmes një postimi në Facebook, shprehet se, e do shumë trimërinë e Haradinajt që e tregoi në luftë, heroizmin e Luanit e t’Shkelzenit.

Ai thotë se, Haradinaj nuk don me pa njeri që di më shumë e punon më ndershëm se ai.

Ai tutje tregon edhe pse nuk i flet Haradinajt.

Postimi i plotë:

Z.Ramush!

Mos me beso, por ta dua trimninë ma shumë se Albinin!

Jo tash, jo, se tash trim jam edhe vet, por dje e pardje kur digjej Kosova!

Trimninë tande, heroizmin e Luanit e t’Shkelzenit e deshta dhe e dua e do ta dua; – ani që nuk të flas e s’kam me t’folë për derisa s’e kthen gurin e kufinit aty ku ishte; – n’Çakorr!

Tani deshta me t’lutë: – A ban me nënshkrua nji peticion, (jo me përmbysë Albinin), po me fundosë urrejtjen tande ndaj tij e t’mirës për Kosovën! Ndaj njeriut që s’punon për vete po për Kosovën!

Të dua Ramush, mbase ma shumë se Albinin, por ti s’don me pa njeri që din ma shumë e punon ma ndershëm se ti! Ndaj mblidhi nënshkrimet e përmbyse, s’parit urrejtjen tande e mos kërko me qenë mbi Kosovën, se të tillët gjithmonë kanë përfundua keq!

Urreje Vuçiqin Ramush, vetëm aq sa e urrenë Albinin, dhe beso se do t’bahet mirë, por vetëm atëherë kur Ti t’jeshë n’ballë t’ushtrisë, jo n’krye t’Qeverisë, se aty keq u dëshmove!

Leave a Reply

Your email address will not be published. Required fields are marked *